212 та қонун бузилишидан 2 тасига жиноят иши қўзғатилган. Ушбу қонун бузилишлар Хоразм вилоят бандлик бошқармаси билан боғлиқ бўлган.

Хоразм вилоят прокуратураси 08.04.2023 йилда маълум қилишича, Хоразм вилоят прокуратураси органлари томонидан 2022 йил давомида аҳоли бандлиги ва меҳнат муносабатлари тўғрисидаги қонунчилик ижроси юзасидан ўтказилган 28 та текширишларда 212 та қонунбузилиш ҳолатлари аниқланиб, масъул ва мансабдор шахсларнинг 47 нафарини маъмурий ва 46 нафарини интизомий жавобгарлик масаласи ҳал қилинган, қонун бузилиши, унинг келиб чиқиш сабаблари ва бунга имконият яратиб бераётган шарт шароитларни бартараф этиш тўғрисида 33 та тақдимномалар киритилган ва қўпол қонун бузилиш ҳолатлари юзасидан 2 та жиноят ишлари қўзғатилган.